Gjen një dokument, më saktësisht një kartë studenti dhe tenton që të gjejë të zonjën përmes Twitter. Një gjë që ndodh shpesh, por protagonisti i këtij rasti nuk është një i çfarëdoshëm.
Nëse emri yt është Lauren, aktori Tom Hanks po të kërkon, por vetëm nëse ke humbur kartën e studentit. Ylli i Hollywood, dy ditë më parë thotë se ka gjetur në park dokumentin e një studenteje të Fordham University, New York.
Për gjetjen e vajzës, aktori publikoi foton e kartës në Twitter. Si përgjigje mori rreth tre mijë retweet, mes tyre edhe të një vajze që mund të jetë Lauren.