Regjistrimi i një videoje, që për ta do të ishte argëtuese, u kushtoi vendin e punës 6 punonjësve të bankës HSBC.
Kjo, pasi bëhej fjalë për një video të stilit të xhihadistëve të ISIS, të postuar në Instagram.
Ata kishin inskenuar një ekzekutim si ato të militantëve të Shtetit Islamik, ku 5 prej tyre kishin rolin e xhihadistëve dhe i gjashti atë të pengut që do të vritej.
Punonjësit u shfaqën të maskuar ashtu siç shfaqen xhihadistët në videot qe publikojnë në internet.
Pasi e kërcënojnë pengun me një thikë, shpërthejnë në të qeshura.
Zyra e bankës HSBC në Londër përmes një deklarate njoftoi pushimin nga puna të punonjësve.
