“Jam anaoreksike dhe askush nuk do që të më kurojë”, janë këto fjalët shokuese që thotë në një video të shpërndarë në YouTube Rachael Farrokh, aktorja 37-vjeçare nga San Klemente i Kalifornisë.
Nuk arrin që të ecë, i kalon ditët në krevat dhe divanin e shtëpisë. Tashmë është katandisur në një skilet. Gruas i duhen kura të specializuara dhe shumë të kushtueshme, që ajo nuk i përballon dot.
Nëpërmjet rrjetit kërkon një mbështetje ekonomike:-“ Ka një spital në anën tjetër të qytetit që mund të më ndihmojë dhe mundësitë e mia për të jetuar janë vërtetë shumë të vogla. Kam nevojë për ndihmën tuaj”, shprehet guraja.
Menjëherë pas kësaj ka nisur mbledhja e fondeve dhe në një kohë të shkurtër shuma ka shkuar në 47 mijë dollarë, por për kurat duhen akoma para. Objektivi është që të mblidhen të paktën 100 mijë dollarë.