Nëntorin e kaluar mjekët i dhanë maksimumi tre javë jetë. Por Dean Wharmby, një ish- bodybuilder 39 vjeçar nga Rochdale në Angli, nuk u dorëzua ndaj vdekjes.
Verdikti i mjekëve ishte i tmerrshëm, kancer në mëlçi aq i madh sa që e bënte të pamundur ndërhyrjen kirurgjikale ose kimioterapinë.
Në atë moment Dean, u ndje i rrënuar, por më pas vendosi që të ndjekë një dietë super të shëndetshme, ku përjashtohej çdo lloj sheqeri, pijet energjike dhe produkte të tjera të dëmshme, çka i solli dobësim të ndjeshëm.
Regjimi i ri ushqimor i mundësoi Dean që të mbijetojë deri më tani, por beteja e tij nuk ka përfunduar. Në ndihmë të tij janë angazhuar shumë njerëz në rrjetet sociale, ku në faqen e tij ka mbi 4 mijë fansa. Në profilin e tij Dean pblikon video dhe këshilla për të mposhtur kancerin në mënyra të ndryshme.
