Kjo zebër e vogël ishte fundosur keq në një pellg balte dhe po priste vdekjen në agoni, deri në çastin kur u duk se u shfaq shpëtimtari i saj.
Një rinoceront gjigand u tërhoq nga beteja e dëshpëruar e kafshës me baltën dhe vendosi ta ndihmojë krijesën e gjorë.
Por kjo vepër përfundoi tragjikisht. Duke harruar forcën e tij rinoceronti përfundoi duke i ngulur bririn “shpëtues” zebrës, me të cilin u përpoq ta nxirrte nga pellgu i baltës.
Roel van Muiden, një fotograf i kafshëve të egra e dalloi zebrën që po jepte shpirt, kur po u tregonte vizitorëve rreth Madikwe Game Reserve në Afrikën e Jugut.
Zebra e vogël duhet të ketë qenë atje për mjaft kohë, shkruan ai. Fotografi u është përgjigjur dhe komenteve negative të njerëzve që panë fotot duke thënë se nuk u përpoq ta shpëtonte kafshën pasi i pëlqen të mos ndërhyjë në punët e natyrës. “Ta lëmë atë të tillë”, tha ai duke shtuar se zebra jo vetëm ishte braktisur nga tufa dhe nga e ëma, por ajo nuk kishte shanse mbijetese.
Gjithsesi mendimin e footgrafit e sfidoi rinoceronti, i cili të paktën “u përpoq”.
