35 vjeçari Dhruv Boruah ka tërhequr vëmendjen e gjithë botës me mënyrën që ka zgjedhur për të ngritur vetëdijen lidhur me ndikimin e plastikës në ambient.
Në Londër ai me një biçikletë të cilës i ka vendosur në të dy anët nga një pjesë lundruese të verdhë, si dhe rrjetë të peshkimit, përshkon lumenjtë dhe kanalet e qytetit, duke mbledhur mbetjet e plastikës.
Ai tregon si takohet me njerëz gjatë rrugës së tij.
“U tregoj atyre për punën time, plastikën, dhe si gjithçka fillon këtu në kanale”, tregon ai teksa mban baraspeshën e biçikletës së tij.
Boruah shpreson se kampanja e tij-Projekti Thames, do t’i bëjë njerëzit të vetëdijshëm për rrezikun e plastikës, dhe do t’i frymëzojë ata që të ndërmarrin aksion.