Një 7 vjeçar nga Karolina e Jugut bëri "zbulimin e jetës" pasi gjeti një çantë të vjedhur të mbushur plot me para.
"Nuk e di as çfarë mendova në atë moment", u shpreh vogëlushi Griffin Steele pasi gjeti paratë, të cilat u vodhën gjatë një grabitjeje banke këtë javë dhe ishin të mbuluara me bojë të kuqe.
Policia është ende në kërkim të 35-vjeçarit Brian Humphries, i cili është i dyshuari i grabitjes të ndodhur më 23 janar dhe të një banke tjetër më 28 janar.
Griffin dhe i ati i tij, Shane Steele ishin duke udhëtuar kur ndaluan për të mbushur makinën e tyre me karburant.
"Kisha etje prandaj shkuam në dyqan, por gjatë rrugës gjetën një kartmonedhë 20 dollarëshe e cila ishte e lyer me bojë të kuqe", tha 7-vjeçari.
I ati i djalit tha: "Më bëri përshtypje dhe pyeta shitësen nëse mund të shihte nëse kartmonedha ishte false apo jo, dhe më tha që ishte e vlefshme."
Kështu, kur ata u kthyen tek makina, shkuan për të hedhur disa mbeturina në kosh para se të niseshin, por aty vogëlushi gjeti një "thes" me para. I ati i tij telefonoi 911-ën dhe i dorëzoi paratë.
"S'kisha parë kurrë kaq shumë para, por as që e mendova t'i dorëzoja ato. Kishte plot kartmonedha që nuk ishin të lyera me bojë të kuqe, por unë vendosa të bëja gjënë e duhur dhe t'i dorëzoja në polici. Ky ishte një moment mësimi për mua dhe të birin, sepse të bësh atë cfarë duhet është gjithnjë alternativa ë e mirë", përfundoi i ati i 7-vjeçarit.
