Lamtumirë Tander Sauce! Bëhet fjalë për macen më popullore dhe të pasur në rrjet. Ajo njihej me emrin e artit “Grumpy Cat”, apo “Macja e zemëruar”.
Me pamjen e saj turivarur, ajo kishte pushtuar miliona fansa në të gjithë botën, duke u bërë një yll i vërtetë në rrjetet sociale. Macja ishte e prekur nga nanizmi dhe një keqformim i nofullës së poshtme dhe ishte 7 vjeç.
Pronarët e saj ndanë lajmin e hidhur me fansat e maces në internet. Në një postim në internet, pronarët njoftuan se Grumpy Cat ngordhi të martën nga një infeksion i traktit urinar që iu shfaq kohët e fundit.
Macja nga Arizona "ndihmoi miliona njerëz të buzëqeshin". Grumpy, emri i vërtetë i së cilës është Tardar Sauce, u bë virale në vitin 2012 pasi fotot e fytyrës së saj u shfaqën në internet.
Sipas pronares Tabitha Bundesen, shprehja e fytyrës së saj shkaktohej nga fakti se ishte xhuxhe dhe se dhëmbët e saj të poshtëm ishin përtej të sipërmve.
Cat Grumpy udhëtoi në botë duke bërë shfaqje televizive dhe në vitin 2014 madje luajti filmin e vet të Krishtlindjeve. Ajo ka më shumë se 2 milionë ndjekës në Instagram.