Në një njoftim për media nga Ministria e Forcës së Sigurisë së Kosovës (MFSK) është bërë e ditur se nesër do të mbahet një aktivitet i përbashkët i FSK-së dhe KFOR-it.
Me këtë rast do të bëhet rihapja e urës pas ndërtimit të saj prej këtyre dy forcave.
“Ju ftojmë të përcillni aktivitetin e rihapjes së urës në Mitrovicë, pas rindërtimit dhe renovimit nga FSK-ja dhe KFOR-i”, thuhet në njoftim.
Në këtë ceremoni do të marrin pjesë ministri i FSK-së, Rrustem Berisha, komandanti i FSK-së, Rrahman Rama dhe Komandanti i KFOR-it, Salvatore Cuoci.
Rihapja e urës do të bëhet nesër në pjesën jugore të Mitrovicës, afër tunelit prej orës 14:00.
