Këngëtarja nga Shqipëria, Poni, ka paralajmëruar rikthimin e saj pas një pauze, me disa projekte të reja muzikore.
Njëra nga këngët e reja të këngëtares do të vijë në bashkëpunim me këngëtarin nga Tetova, Shkumbin Ismajli.
Megjithëse dyshja nuk ka dhënë shumë detaje rreth këtij bashkëpunimi, mësohet se kënga do të jetë verore, por jo me shumë ritëm duke u përshtatur stileve të dy artistëve.
Kujtojmë se bashkëpunimi i fundit i këngëtares, është ai me Artiola Toskën, i cili u mirëprit mjaft mirë nga publiku.
Ndërsa në anën tjetër, edhe Shkumbin Ismajli ka kohë që nuk ka sjellë një projekt të ri.
