Din të jetë provokuese por edhe mjaft në tren me këngët e saj të cilat që nga titulli të mbeten në mendje. Është kthyer pas 2 viteve pushim, duket më seksi se më parë, megjithëse ajo nuk pranon se ka bërë ndonjë ndërhyrje. Kjo është këngëtarja Jeta Faqolli e cila në rrëfimin e saj për “Bota sot” na tregon se ku ishte në këto dy vite pushim si dhe mohon në mënyrë kategorike se dikush nuk e ka lënë të merret me muzikë. Por a urren ajo ndonjë artist/e shqiptar? Për më shumë lexoni intervistën!
“Bota sot”: Jeta ku ndodhet dhe ku po jeton më shumë, në cilin qytet mund të të gjejmë 24 orë?
- Në Tiranë dhe këtu jam 24 orë, përveç se kur lëviz me punë. Këtu kam shtëpinë dhe familjen time ku jetoj me prindërit e mi.
“Bota sot”: E vërtetë që ke ardhur para disa ditëve në Prishtinë vetëm për të prekur bardhësinë e borës?
- Jo kam ardhur në Prishtinë sepse kisha dy intervista në televizione dhe shpërndava klipin e ri. Dhe një rrugë e dy punë dola dhe e shijova bardhësinë e borës në Gërmi.
“Bota sot”: Je rikthyer pas një pauze me një këngë të re, mendon se të kishin harruar? Po ti vetë e kishe ndjerë mungesën e këtij pushimi?
- Po sigurisht që harrohesh. Çudia më e madhe tre ditë zgjat, jo më të mungosh për kaq kohë. Edhe unë vetë sigurisht që e kam ndjerë këtë mungesë, por duke menduar sa të nxjerr klipin dhe do jem aktive dhe vërtetë jam tani apo jo?
“Bota sot”: Ku ishte Jeta gjatë këtyre dy viteve? Arsyeja e fortë cila ishte që të la larg muzikës për dy vite?
- E kam thënë dhe herë të tjera që ka qenë një arsye e fortë ose shumë personale dhe s’dua ta ndaj me askënd.
“Bota Sot”: Ka ardhur në klipin e ri Jeta më e freskët, e vërtetë se dicka ke ndërhyrë në dukjen tënde?
- Faleminderit, por asgjë nuk kam bërë për ndërhyrje. Sekreti është të menduarit ndryshe, pra me pozitivisht e gjithashtu ushqimi i zgjedhur dhe aktiviteti sportiv.
“Bota Sot”: Lajmet të tipit ‘Jeta u martua’ dhe ‘Nuk e lejon më të merret me muzikë” ishin të sajuara e asgjë e vërtetë?
-Unë s’paskam dëgjuar akoma këto lajme dhe se di ku kanë dalë por do thoja nuk është asnjëra e vërtetë. Po të ishte e vërtetë s’kisha pse ta mbaja sekret se martesa është shumë e rëndësishme në jete dhe do ta publikoja këtë gjë.
“Bota sot”: Tani pas lancimit të këngës së re besoj se kanë rinisur ofertat për koncerte, ku po të ftojnë më shumë?
- Po vërtetë kanë filluar dhe po lëvizin gjërat për mirë.
“Bota Sot”: Ka Jeta një artist/e që dëshiron gjithmonë të këndojë me të nëpër mbrëmje dhe koncerte?
- Ka shumë në fakt dhe kënaqësi të punoj me secilën.
“Bota sot”: Po një artist/e që nuk do të donte kurrë ta kishte partner në një mbrëmje muzikore?
- Të urryer jo nuk urrej askënd në fakt secila ka karakterin e vet dhe nuk më pengon aspak dhe e respektoj ashtu siç është.
“Botas”: Lutja më e madhe dhe dëshira për 2015-n, dhe ndonjë projekt që po e mendon?
-Të kem shëndet se kjo është primare, nëse kemi shëndet do bëjmë vetëm gjëra të bukura. Gjithashtu do kem projekte plot për këtë vit të cilat kanë filluar mbarë.