Festivali i Filmit në Venecia ka mbledhur mjaft yje botërore të kinemasë, mes të cilëve edhe ikona Al Pacino të cilit asnjëherë nuk i mungon humori.
Me të shkelur në tapetin e kuq kur përballë kishte gazetarë dhe reporterë që po e fotografonin, aktori veteran iu drejtua duke u thënë: “ju pëlqen prerja ime e re e flokëve? A më shkojnë?”.
Pas kësaj aktori amerikan ka folur për famën dhe se si ndjehesh të jesh i tillë, ku përsëri nuk ka munguar humori.
“Sigurisht të jesh i famshëm është shumë stresuese, por akoma më stresues është po të jesh person normal, i thjeshtë”, tha ai.
