E kanë deklaruar edhe më herët se pavarësisht jeta e tyre bashkëshortore u ndërpre në mes, ata janë miq të mirë me njëri-tjetrin.
Bëhet fjalë për aktoren Gwyneth Paltrow dhe liderin e grupit “Coldplay” Chris Martin, të cilët pas 10 vjetësh martesë u divorcuan muaj më parë.
Chris Martin ka nisur një romancë me aktoren më të fuqishme të Hollywood-it, Jennifer Lawrence, e për këtë lidhje ish-gruaja e këngëtarit, Paltrow nuk është aspak e mërzitur, përkundrazi e ka miratuar.
Një burim i afërt me aktoren ka thënë për revistën “Us Weekly” se Paltrow dëshiron që Chris të jetë i lumtur, edhe pse në krahët e një tjetre.
Nga ana tjetër edhe aktorja 41-vjeçare ka kthyer faqe në jetën e saj, duke nisur të shoqërohet me Brad Falchuk.