33-vjeçarja Gisele Bundchen shpërndau një foto në Instagram, kur ajo ishte vetëm 12 vjeç dhe ku duket që ishte më e gjata dhe me këmbë super elegante krahasuar me shoqet e saj.
Një vit më pas, Gisele filloi një kurs modelingu pas sugjerimit të motrës dhe mamasë së saj. Në vitin 1994, në moshën 14-vjeçare, ajo u zbulua nga një agjent i agjencisë së modelingut Elite, teksa ishte në një McDonalds.
Menjëherë ajo shkoi në Sao Paulo duke zyrtarizuar dhe fillimin e karrierës. Me kalimin e viteve braziliania pushtoi pasarelat e Nju Jorkut dhe Londrës. Sot Bundchen renditet si një ndër modelet më të paguara në botën e modës, me një llogari që shkon në 386 milionë dollarë.
Modelja është përzgjedhur për të dorëzuar më 13 korrik edhe trofeun e Kupës së Botës në finalen Argjentinë-Gjermani, në stadiumin "Marakana".
