Këngëtarja Engjëllusha Salihu ka paralajmëruar një këngë të re.
Gjatë ditës së sotme, përmes rrjeteve sociale ajo ka bërë të ditur se ka filluar xhirimin e videoklipit të këngës.
Detajet e tjera rreth këtij projekti, këngëtarja i ka bërë të ditur për lajmi.net, ku zbuloi se kënga është e zhanrit baladë, për dallim prej projektit të fundit që ishte këngë ritmike.
“Kënga është e zhanrit baladë, me një tekst interesant dhe videoklip që e kemi trajtuar në mënyrë të veçantë”, ka thënë Engji.
Ajo ka treguar se për tekstin e kësaj kënge është kujdesur Nexhmie Muhaxheri, ndërsa kompozimin dhe orkestrimin e ka bërë Miti Geci.
Ndërsa, e pyetur rreth asaj se kur do të publikohet ky projekt, Engji ka thënë se ende nuk ka ndonjë datë konkrete, por me kohën do të njoftohet publiku.