“Ka një kohë që nuk kam qenë aktive, këto janë ditë të vështira. Nuk është një periudhë e mirë. Megjithatë, ju ndjej afër. Faleminderit për mbështetjen." Chiara Ferragni thyen kështu heshtjen përmes rrjeteve sociale, duke falenderuar ndjekësit e saj. Këto janë ditët më të vështira për sipërmarrësen dixhitale. Prej javësh, në fakt, ajo ka qenë në mes të stuhisë sa i përket martesës me Fedez. Reperi është larguar nga shtëpia, flitet për ndarje, por personat e përfshirë drejtpërdrejt deri më tani kanë zgjedhur të mos japin asnjë deklaratë zyrtare. “Nuk është lojë”, ishin fjalët e fundit të Fedez, duke iu përgjigjur atyre që pyesnin nëse kriza ishte reale dhe jo një mënyrë për të larguar vëmendjen nga problemet ligjore të gruas së tij.
Ferragni pritet të dielën e 3 marsit në studiot e 'Che tempo che fa', por nuk është e sigurt që ajo do të flasë për çështje private. Biznesmenia ka zgjedhur të jetë e ftuara e Fabio Fazios për të folur publikisht për çështjen Pandoro dhe problemet gjyqësore të kompanive të saj. Në intervistën që dha për 'Corriere della Sera' javën e kaluar, ajo preferoi të mos shtonte shumë për bashkëshortin e saj Fedez: "Ai nuk ishte (pranë meje) për shumë fundjavë. Në të tjerat ishte. Gjithsesi, ai është burri im. Dhe për mendimin tim, në situata të caktuara kaosi të jashtëm, është më mirë të mbash gjëra të tjera brenda çiftit. Prioriteti është të mbroj familjen time, fëmijët e mi”.
Ndërkohë, Chiara Ferragni, siç konfirmojnë burime për 'Vanity Fair', ka zgjedhur një avokate të specializuar në të drejtën familjare, Daniela Missaglia, partnere së bashku me Valeria De Vellis, të firmës milaneze Missaglia De Vellis. Avokatët e divorcit kanë një përvojë njëzet vjeçare, siç thuhet në faqen e internetit të firmës, "e cila u ofron klientëve të saj mbështetjen e nevojshme në fusha të ndryshme të së drejtës, veçanërisht në fushat e së drejtës familjare, ligjit personal dhe trashëgimisë, mbrojtjes së aseteve dhe mbrojtja e të miturve."
Fedez dhe Chiara Ferragni ende jetojnë veçmas. Por, për momentin të dyve u është kthyer besimi. Fedez u shfaq në një takim në Torino për temën delikate të shëndetit mendor, për të cilën ka qenë gjithmonë i hapur dhe këtë herë ka dashur ta diskutojë para fëmijëve të disa shkollave të qytetit.
Ferragni nga ana tjetër përpiqet të jetë afër ndjekësve përmes fotove të fundit në rrjetet sociale.
“Dhe për fat duhej të ishte viti i Demit”, vazhdon ajo përmes Instagramit, duke u përpjekur të rizbulojë dialogun me ndjekësit e saj, “Deri tani nuk më duket asgjë…”.
