Modelja dhe prezantuesja Sara Gjordeni, është eliminuar nga shtëpia e “Big Brother VIP Albania 3” pasi rezultoi të jetë me numrin më të ulët të votave në televotimin e kësaj jave. Eliminimi i saj vjen pas një jave të mbushur me tensione dhe rivalitete, ku ajo u përball me emra të tjerë të njohur të shtëpisë për të qëndruar në lojë.
Të nominuarit e kësaj jave ishin fytyra të njohura të ekranit: prezantuesja e televizionit Roza Lati, gazetarja Ilnisa Agolli, si dhe gazetarja investigative, Ledjona Xheladinaj.
Sara Gjordeni ka qenë një nga konkurrentet më aktive dhe të diskutueshme të edicionit të tretë të “Big Brother VIP Albania”, duke u bërë edhe kryeqendra e diskutimeve për një simpati ndaj konkurrentit tjetër të shtëpisë, reperit Bardhi.
Gjatë kohës së qëndrimit në shtëpi, ajo ka arritur të krijojë lidhje me disa prej banorëve, por edhe përplasje me të tjerë, duke bërë që prezencën e saj të ndihet brenda dinamikës së grupit.
Ndërkohë që Sara Gjordeni mbyll kështu kapitullin e saj në “Big Brother VIP Albania”, aventura e konkurrentëve të mbetur vijon, me secilin prej tyre që synon të mbijetojë edhe një javë të tjetër dhe të shkojë sa më afër triumfit final.
