Matthew Perry ka gënjyer disa here publikisht para vdekjes së tij të parakohshme, sipas një raporti të ri. Ylli i "Friends" gënjeu se nuk kishte pirë alkool dhe ka qenë abuziv, thanë tre burime anonime për ‘Us Weekly’ në një kopertinë bombë të botuar të mërkurën.
"Ai ishte verbalisht, emocionalisht dhe fizikisht abuziv," tha një burim i brendshëm, duke e quajtur Perry një person "manipulues". "Gjithçka që ai dinte të bënte ishte të shkaktonte dhimbje dhe të luante viktimën," pohoi më tej burimi.
Megjithatë, një burim i dytë i brendshëm mohoi për revistën se ylli i "Fools Rush In" ishte një "qenie njerëzore e tmerrshme", por tha se ai kishte ndryshuar nga varësia e tij. Perry tha në tetor 2022 se ai kishte shpenzuar 9 milionë dollarë duke u përpjekur të mos pinte më alkool, duke shtuar se ai kishte qenë i pastër nga të gjitha substancat për 18 muaj.
Pas vdekjes së tij në moshën 54-vjeçare në tetor 2023, policia gjeti ilaçe të shumta në shtëpinë e tij, duke përfshirë ilaçe kundër depresionit e kundër ankthit, por jo substanca të paligjshme. Testet fillestare zbuluan se Perry nuk kishte konsumuar lëndë narkotike dhe raporti përfundimtar i autopsisë ia atribuoi shkakun e vdekjes së tij "efekteve akute të ketaminës", një ilaç që përdoret për trajtimin e depresionit.
Një burim i tha ‘Us Weekly’ se njerëzit në rrethin e brendshëm të aktorit kishin dyshime se si ai vdiq nga mbidoza. “Të gjithë të afërmit e Matthew po thoshin se ai vdiq nga një mbidozë”, pohoi burimi i brendshëm, duke pretenduar se miqtë e Perry mendonin se ai kurrë nuk kishte trajtuar siç duhet problemet e tij të shëndetit mendor.
Nga ana tjetër, Matthew dyshohet se ka qenë abuzues me disa gra, përfshirë ish-të fejuarën e tij, Molly Hurwitz. Sipas ‘Daily Mail’, burime të afërta me yllin e ndjerë të "Friends" pretendojnë se ai dyshohet se "hodhi drejt saj një tavolinë kafeje" në Hurwitz në vitin 2021 pasi ajo e pyeti atë për tradhtinë.
Ata filluan të takoheshin në vitin 2018 dhe u fejuan në nëntor 2020. Shtatë muaj më vonë u ndanë mes thashethemeve se Perry po flirtonte me një 19-vjeçare në aplikacionin e takimeve ‘Raya’.
Sipas burimit të dytë, Perry përdori marrëdhëniet e tij për ta ndihmuar atë të përdorte drogë.
“Ai fliste me FaceTime dhe i ftonte më pas në shtëpi,” pohoi burimi. “Ai nuk ishte më në publik. Kështu ai pinte drogë fshehurazi."
