Adriana Lima nuk do të lejojë që 'haters-at' të thonë fjalën e fundit.
Ish-modelja e 'Victoria's Secret' reagoi në Instagram Story për t'iu përgjigjur kritikëve që sugjeronin se ajo iu nënshtrua një "lifti fytyre".
“Fytyra e një nëne të lodhur të një vajze adoleshente, dy para-adoleshente, një djali aktiv, një 1-vjeçari që mëson të ecë dhe tre qenve . . . faleminderit për shqetësimin tuaj”, ka shkruar ajo krahas një fotoje të saj pa asnjë grim.
Reagimi i Lima vijnë pasi ajo u fotografua në tapetin e kuq të "The Hunger Games: The Ballad of Songbirds & Snakes" në Los Angeles të martën.
Bukuroshja me origjinë braziliane mahniti me një fustan të zi me mëngë të gjata me dizajne të kuqe, por fansat e përqendruan gjithë vëmendjen në fytyrën e saj.
Disa menduan se 42 vjeçarja ka të ngjarë të ketë bërë ndërhyrje teksa disa pretenduan se ajo kishte ende "ënjtje në zona të caktuara në krahasim me të tjerat".
“Nuk do ta kisha idenë se ishte i njëjti person”, shkroi një person, ndërsa një tjetër shtoi, “Jo vetëm 'fox eyes', por edhe një hundë e re".
Të tjerë sugjeruan se modelja ka të ngjarë të ketë aplikuar ndryshe grimin e saj, duke thënë: “Do të habiteshit se çfarë ndryshimi mund të bëjë në varësi të mënyrës se si aplikohet.”
Disa dolën gjithashtu në mbrojtjen e Limës për të dënuar komentet “mizore”.
“Ajo shtoi në peshë kaq. Ende 100 herë më e nxehtë se kushdo prej nesh”, ka shkruar një fans.
"Njerëzit në këto komente harruan se si trupat funksionojnë," shtoi një i dytë, i cili vazhdoi me: "Ajo është njeri. Ajo është një nënë. Ne evoluojmë dhe po ashtu edhe trupat tanë.”
Lima – e cila së fundmi u kthye si modele për 'Victoria’s Secret' – mirëpriti djalin e saj Cyan Lima Lemmers, 1 vjeç, me të dashurin e saj Andre Lemmers në gusht 2022 pas një viti lidhjeje.
Ajo ka edhe vajzat Valentina, 14, dhe Sienna, 10 vjeç, me ish-burrin e saj, Marko Jari?.
Pas pesë vitesh martesë, ish-çifti u nda në vitin 2014.
