Aktorja Hilary Swank njoftoi në ditën e Pashkëve se ajo dhe bashkëshorti i saj, Philip Schneider, u bënë prindër me binjakë – një djalë dhe një vajzë.
“Nuk ishte e lehtë. Por ia vlejti. Gëzuar Pashkët! Postim nga një parajsë e vërtetë,” shkroi ajo përkrah një fotoje ku shfaqej duke mbajtur të porsalindurit e saj teksa shikonin perëndimin e diellit.
Aktorja 48-vjeçare, u martua me Schneider në gusht të vitit 2018, duke zbuluar katër vjet më vonë se ata po krijonin një familje.
“Kjo është diçka që unë e kam dashur për një kohë të gjatë,” tha Swank për shtatzëninë e saj në tetor për “Good Morning America”. “E vërteta është se do të bëhem nënë. Dhe jo vetëm me një fëmijë, por me dy.”