Publiku në koncertin e këngëtares britanike, Adele, i cili po mbahej në Las Vegas, mbeti i shtangur pasi këngëtarja kreu një truk dhe u zhduk nga skena.
Këngëtarja me sa duket u zhduk në ajër gjatë një performance, si pjesë e shfaqjes së saj të shumëpritur të rezidencës në Las Vegas, të quajtur “Weekends with Adele”.
Një video nga performanca e Adelës në Coliseum në Caesars Palace, në Las Vegas, u shpërnda në Twitter pasi ajo më parë duhej të anulonte setin e saj në qytet
Videoja, me titull: ‘Ku dreqin shkoi ajo?’, tregon këngëtaren duke ngritur krahët gjatë duartrokitjeve të vazhdueshme përpara se një dush me petale rozë të binte rreth saj.
Kur petalja e fundit ra në skenë, Adele u zhduk nga sytë.
“Unë u çmenda për një sekondë kur ndodhi kjo, ka pranuar një fanse në komentet poshtë videos, ndërsa të tjerët kanë shkruar se mendojnë të njëjtën gjë.
Ishte e paqartë se si Adele arriti të zhdukej kaq shpejt nga skena, duke i lënë fansat në audiencë mjaft të hutuar.
Seria e performancave të këngëtares në Las Vegas, fillimisht ishte menduar të ishte në janar të këtij viti, por për shkak të pandemisë së koronavirusit pati një vonesë të madhe dhe u desh t’i shtynin ato.
Adele disappeared into confetti to close out her first Vegas show. pic.twitter.com/8NQOme2FPa
— Pop Base (@PopBase) November 19, 2022
