Mandy Moore është bërë përsëri nënë! Aktorja 38-vjeçare solli në jetë të premten djalin e dytë të saj dhe Taylor Goldsmith, Oscar Bennett.
“Ozzie është këtu! Oscar Bennett Goldsmith mbërriti pak vonë, por me shumë guxim (dhe një lindje më e lehtë/më e shpejtë se vëllai i tij i madh, për kënaqësinë e prindërve të tij),” njoftuan Moore dhe Goldsmith në një postim të përbashkët në Instagram. “Çdo fjalë e urtë është e vërtetë: zemrat tona janë dyfishuar në madhësi dhe menjëhershmëria e dashurisë është mahnitëse. Ai është përtej fjalëve dhe ne jemi shumë mirënjohës për familjen tonë prej katër anëtarësh!”
Në postim, aktorja dukej e lumtur teksa buzëqeshte me djalin në krah.
Ata ndanë gjithashtu një foto të babait krenar, duke kaluar pak kohë vetëm me djalin e tij të dytë.
Çifti mirëpriti djalin e tyre të madh, Gus, në shkurt 2021.
Ndërsa shtatzëninë e dytë ata e njoftuan në qershor.
