Thuhet se Adele u largua nga një prezantues televiziv australian, i cili fluturoi nga Sydney në Londër për ta intervistuar atë si pjesë e një marrëveshjeje prej 725,000 dollarësh. Arsyeja pse ajo e ndërpreu intervistën ishte sepse ai nuk e kishte dëgjuar albumin e saj të ri.
Gjatë takimit, Adele pyeti se çfarë mendonte prezantuesi për albumin e saj të ri, "30" – ndërsa ai tha: "Nuk e kam dëgjuar".
E ofenduar, Adele doli nga intervista dhe labeli i saj, Sony, refuzoi ta lejonte Seven Network ta përdorte atë.
“Seven është pa dyshim i zemëruar për këtë. Prezantuesi Matt Doran u qortua… Ai duhet të kishte bërë kërkim," -tha burimi, duke shtuar se prezantuesi u pezullua për dy javë.
Doran i tha The Australian se ai ishte "i mërzitur dhe pa mëdyshje që kërkon falje" ndaj Adele, duke këmbëngulur se ishte një gabim i thjeshtë.
“Kur u ula për të intervistuar Adele, nuk isha plotësisht në dijeni se më ishte dërguar me email një pamje paraprake e albumit të saj të papublikuar”, tha Doran. "Që atëherë kam zbuluar se më është dërguar si një lidhje 'e card', të cilën e kam humbur pas uljes në Londër. Ishte një gabim, por JO një mospërfillje e qëllimshme. Ky është emaili më i rëndësishëm që kam humbur ndonjëherë.”
Megjithatë, ai këmbënguli se "Adele nuk doli jashtë".
“Në fakt, ishte e kundërta. Ajo që ishte menduar të ishte 20 minuta u zgjat në 29 minuta”, pohoi ai.
Labeli i Adele, Sony, refuzoi të lejonte Seven Network të përdorte intervistën pasi këngëtarja u largua.
“Jam krejtësisht i hutuar. Unë i jam lutur Sony që të publikojë intervistën," tha ai.
Doran e kishte paralajmëruar intervistën me një foto me ekipin e tij në Londër më 4 nëntor, duke shkruar:
"Kjo do të jetë goxha e veçantë..."
