Në këtë puntatë festive të “Shiko Kush LUAN” me autore e moderatore Luana Vjollca ishte i ftuar tenori Ramë Lahaj.
Gjatë një bisede me njëri-tjetrin për një nga këngët që ka kënduar Lahaj nga këngëtarja e madhe ikonë e Shqipërisë Nexhmije Pagarusha, autorja Vjollca u shpreh se në fakt ka një peng nga karriera e saj.
Pengu më i madh i karrierës së saj është fakti që nuk ka mundur dot t’a intervistojë Pagarushën gjatë kohës që ajo ishte ende e gjallë.
Nga ana tjetër edhe vet tenori Lahaj u shpreh se në fakt e madhja Pagarusha ka qenë idhulli i tij dhe sa herë që ka qenë në Kosovë ka shkuar dhe e ka takuar.
