Nesër do të vazhdojë për të katërtën herë seanca për ekstradimin e Goran Grujevskit dhe Nikolla Boshkovskit në Gjykatën e Lartë në Athinë, pasi më 9 mars seanca u ndërpre për shkak të pyetjeve juridike.
Avokatët e Grujevskit dhe Boshkovskit tek këshilli i gjykatësve kanë dorëzuar kërkesë që seanca të mbahet prapa dyerve të mbyllura.
Për Grujevskin dhe Boshkovskin në Greqi, ka tre procese të ndryshme dhe të ndara. Njëri është për pasaportat e falsifikuara, tjetri për kërkesën për azil dhe rasti i tretë është për ekstradim, që është kërkesë e autoriteteve të Maqedonisë.
Rasti i ish-shefave në MPB është përmendur edhe në raportin e fundit të Departamentit Amerikan të Shtetit, ku thuhet se gjykata ka lejuar arratisjen e tyre.