Kjo fundjavë ishte ndryshe në Pogradec.
Të rinjtë pogradecarë, Genti Çela, Ina Kosta, Amanda Cici, Klaudio Spirollari, çelën ekspozitën ‘Përtej Mureve’ me foto të shkëputura nga aktivitetet e bamirësisë.
Segmente nga jeta e varfër në atë qytet. Ndryshe nga sa jemi mësuar të shohim Pogradecin, përtej peizazhit, qytetit turistik, ekspozita solli në vëmendje një realitet tjetër.
Qytetin e harruar dhe të varfër ku lypet ndihmë e shpresë.
‘Hymeti’s Palace’ priti këtë event ku mblodhi dashamirës dhe bamirës që bashkë me autorët e ekspozitës dhe drejtuesin e Fundjavë Ndryshe Arbër Hajdari, përpiqen dita-ditës të zbehin varfërinë, atje edhe kudo tjetër ku harresa ka pllakosur.
