Me zhvillimin e teknologjisë, është ndryshuar edhe mënyra e blerjes. Tani kemi mundësinë e blerjes online dhe prodhimi të vjen në shtëpi, përmes postës.
Edhe Maqedonia, megjithëse vend i vogël, është pjesë e blerjeve online.
Statistikat e Bankës Popullore të Republikës së Maqedonisë tregojnë një rritje prej 30% të blerjeve online. Transakcionet ndaj kompanive të huaja dhe të brendshme arritën në rreth 85 milionë euro.
Portali Faktor ka bërë një listë se çfarë blejnë më së shumti qytetarët e Maqedonisë.
Më së shumti qytetarët e Maqedonisë blejnë veshje, pastaj pajisje sportive dhe elektronike, si edhe për amvisëri. Blerësit kategorizohen në blerës të rregullt, si edhe të rastësishëm.
