Shefi i diplomacisë serbe Ivica Daçiq ka përsëritur qëndrimin e tij se Serbia ka gabuar kur njohu Maqedoninë me emrin e saj kushtetues, transmeton MIA.
Gjatë vizitës në Athinë, ku u takua me homologun grek Nikos Kocijas, Daçiq, siç transmeton agjencia e lajmeve maqedonase MIA, ka thënë se Shkupi gjithmonë ka pasur qëndrim negativ ndaj pozicionit serb në raport me Prishtinën.
Maqedonia ka pranuar pavarësinë e Kosovës dhe ka mbështetur kërkesën e Kosovës që të bëhet anëtare e UNESCO-s, gjë e cila ka zemëruar Serbinë. Daçiq, siç pohon MIA, ka thënë se nuk është korrekte nga pala serbe që të njohë Maqedoninë me emërtimin Republika e Maqedonisë.