Në Pallatin e kulturës në Dibër, dje partia politike Uniteti organizoi takim me qytetaret. Në një atmosferë dhe prezencë madhështore të dibranëve, të pranishmit i përshëndetën nënkryetari i uniteti-t Zulfi Adili dhe sekretari i përgjithshëm Muhamed Ismaili.
Më pas, kryetari i Unitet-it, Gëzim Ostreni, para dibranëve paraqiti aktivitetet e fundit të partisë së Uniteti-t mbi situatën e krijuar në Maqedoni, qëndrimin e partisë karshi protestave të sektorit civil, unifikimit të opozitës shqiptare në Maqedoni, çështja e peticionit për barazi në mes të shqiptarëve dhe maqedonasve si dhe hapat e mëtutjeshme të Uniteti-t ndaj krizës politike në Maqedoni.
Ky ishte takimi i parë i organizuar në këtë format pas mbajtjes së Kongresit të parë të partisë sonë. Paralajmërojmë takime tjera të ngjashme edhe në vendbanimet tjera shqiptare në Maqedoni.
