Bashkimi Evropian kërkon që të respektohet Marrëveshja e 2 qershorit dhe zgjedhjet të jenë në prill të 2016.
Bashkësia ndërkombëtare sidomos BE këmbëngul që të respektohet Marrëveshja e 2 qershorit, duke përfshirë edhe pjesën ku parashihet që zgjedhjet e parakohshme të mbahen më së voni deri në prill të vitit të ardhshëm.
Kjo marrëveshje kishte edhe nënshkrimin e eurokomisionerit për zgjerim të BE-së, Johannes Hahn, andaj Brukseli insiston në respektimin e saj të plotë.
Qëndrimi për zgjedhje në prill është shprehur edhe nga ambasadorët e 17 vendeve të BE-së që dy ditë më parë u takuan me kryetarin e BDI-së, Ali Ahmeti dhe ate të PDSH-së, Menduh Thaçi.
Përfaqësuesit e BE-së kanë nisur konsultat me krerët e partive politike pas zërave se mund të shtyhet afati i mbajtjes së zgjedhjeve dhe se këto informacione kalkulojnë nga taborri i opozitës maqedonase.