Shoqata qytetare “Klubi ELITA” reagon ashpër ndaj indiferencës shtetërore dhe diskriminimin e turpshëm që zyrtarët shtetëror e bënë me rastin e tragjedisë së madhe ku mbetën të vdekur 14 qenie njerëzore.
Siç edhe e dimë të gjithë, para disa ditëve në një fatkeqësi hekurudhore u masakruan 14 emigrantë nga vendet e Lindjes, të cilët fati i tyre i zi i kishte i sjellur që, rrugën për një jetë më të mirë, ta kalojnë pikërisht nëpërmjet këtij shteti të pa shpirt dhe skajshëm diskriminues.
Përveç një deklarate mediale nga përfaqësuesi i MPB-së nga Velesi, nuk pati asnjë reagim zyrtar shtetëror apo ngushëllim publik, apo edhe kerkesë për obduksion dhe hetuesi te detajuar lidhur me rastin ku nga ekspertë do të deshmohej përgjegjësia e kësaj tragjedie.
Vallë deri në çfar shkalle kanë ra ndjenjat njerëzore të pushtetit të Maqedonisë, kur asnjë institucion zyrtar nuk e pa të rrugës të organizoj një varrim dinjitoz, apo t’i shpreh ngushëllime familjarëve dhe shteteve nga kanë ardhur këta njerëz të pafat.
Pyesim publikisht gjithë opinionit e gjërë:
Cili do kishte qenë reagimi i institucioneve shtetërore dhe mediave elektronike dhe të shkruara, sikur në këtë rast të kishin mbetur të vdekur 14 qytetarë nga shtetet e Evropës Perendimore?
