Kryeministri Gruevski sot ka thënë se Zaev nuk ka nevojë shumë të komentohet, pasi sipas kryeministrit, vetë Zaevi komenton dhe demanton.
“Ai më parë patë thënë se nuk e njeh, që më vonë të thotë se e njeh po jo edhe aq mirë, dhe në fund të thotë, se megjithatë, e njeh mirë. Pastaj doli një letër për të cilën kishte një heshtje, që më vonë vetë Zaevi të konfirmojë që ai e shkroi, për njeriun me të cilin kishte thënë se nuk e ka njohur më parë. Tani rezulton se i bleu një kompjuter dhe ishte gati për t’i blerë një makinë”, ka thënë Gruevski.
Ai thotë se Zaev në disa raste nuk e ka thënë të vërtetën, dhe për këtë arsye atij nuk mund t’i besohet.