Rajonin e Strugës, Ohrit dhe Pogradecit e ka goditur përsëri një tërmet në ora 12.32 minuta të mesditës, me intensitet në epiqendër prej 3.6 ballë të shkallës së Richterit, ose shkallës së IV të shkallës së Merkalit-shkallës Makrosizmike Europiane të vitit 1998.
Ky tërmet është tërmet i radhës në serinë e tërmeteve që kanë goditur këtë rajon Ohër-Strugë, që ka një aktivitet më të theksuar sizmik, transmeton ina. Edhe ky tërmet rezulton se është nga rajoni i Ohrit.
Edhe Instituti i Opservatorit sizmologjik pranë Fakultetit të shkencave matematiko-natyrore ne Shkup, e ka përcaktuar lokacionin në rajonin e Ohrit.
Tani për tani, përderisa janë duke u përpunuar të dhënat nga stacionet matëse telemetrike dhe të dhënave nga opservatorët sizmologjik të rajonit, për të bërë edhe izoseistet e shkallës së shtrirjes dhe intensitetit, nuk mund të jepet ndonjë vlerësim konkret, por nuk ka njohuri për dëme materiale pos shqetësimit dhe frikësimit të banorëve të këtij rajoni.
