I pyetur se si është situata me këtë infeksion në vend, ministrja e Shëndetësisë tha se janë marrë të gjitha hapat, por se mentaliteti i qytetarëve që refuzojnë të vaksinojnë fëmijët e tyre nuk mund të ndryshohet brenda natës.
Ministri i Shëndetësisë Fatmir Mexhiti u bëri thirrje prindërve që të vaksinojnë fëmijët e tyre kundër kollës. I pyetur se si është situata me këtë infeksion në vend, Mexhiti tha se janë ndërmarrë të gjitha hapat, por se mentaliteti i qytetarëve që refuzojnë të vaksinojnë fëmijët e tyre nuk mund të ndryshohet brenda natës.
“Ne kemi ndërmarrë të gjitha hapat, jemi duke bashkëpunuar me të gjitha institucionet evropiane në atë drejtim dhe po shkon në një drejtim të mirë. Pra, ne nuk mund të ndryshojmë mendësinë e qytetarëve brenda natës, por u bëj thirrje të gjithëve, e ardhmja jonë janë fëmijët tanë dhe i bëjmë thirrje të gjithëve të vaksinohen, sepse mbi të gjitha na mbron dhe na shpëton jetën. Prandaj duhet ta kuptojnë dhe pak nga pak do ta kuptojmë të gjithë se vaksinimi i së ardhmes sonë është mbi gjithçka dhe kjo është e ardhmja e vendit tonë” tha ministri Mexhiti.
Drejtoresha e Klinikës për fëmijë, Mirjana Popovska, ka konfirmuar dje se foshnja gjashtëmuajshe nga Shkupi është diagnostikuar me kollë. Drejtori i Institutit të Shëndetit Publik (ISHP), Shaban Memeti, megjithatë, tha se në vitin 2023 janë regjistruar tri raste të me kollë, të gjitha në Shkup.
