Lëvizja Besa ka reaguar ndaj pohimeve të BDI-së, nga ku thonë se Komuna e Tetovës nuk është përgjegjëse për vendosjen e kryqit në Kodrën e Diellit.
“BDI pasi planifikoi të gjitha aktivitetet për vendosjen e kryqit në Kodrën e Diellit, dëshiron që fajin t”ja vë Lëvizjes Besa. Njëjtë sikur ua vendosnin fajin shqiptarëve kur i rrihnin nxënësit nëpër autobusë, për rastin “Alfa”, rastin “Monstra”, Kalanë dhe shumë raste të tjera. Imagjinoni, BDI ka aranzhuar gjithë aktivitetin, duke u koordinuar me Gruevskin, duke e planifikuar me Vuçiqin e duke e zbatuar me Zaevin e Kovaçevskin.
BDI mendon se qytetarët harrojnë se ajo bashkë me OBRM-PDUKM-në qeverisi për dhjetë vite, ku e bashkë planifikuan projektin “Shkupi 2014”, kryqet nëpër gjithë fushat e kodrat e Maqedonisë dhe pasi i realizuan një pjesë të këtyre skenarëve edhe me LSDM-në dëshirojnë që fajin t”ja vendosin Lëvizjes Besa.
Ne si Lëvizja Besa deklarojmë me përgjegjësi më të lartë se nuk kemi asnjë lidhje me vendosjen e kryqit dhe nuk do e pranojmë vendosjen në Kodrën e Diellit. BDI të jap llogari, se çfarë plane tjera bën me Gruevskin dhe Vuçiqin?”, thuhet në reagimin e Lëvizjes Besa.
Nga atje shtojnë se BDI nuk ka të drejt të shet moral, sepse i doli në shesh loja dhe del qartë se “prostituta” po na shet moral.
