Zjarri në Prilep është ende aktiv, ndërsa mëngjesin e sotëm ka një zjarr të ri në fshatin Kërklja të Kriva Pallankës, njoftojnë nga Qendra për Menaxhimin e Krizave (QMK).
Nga aty bëjnë me dije se tre zjarrfikës kanë intervenuar me një mjet zjarrfikës për shuarjen e zjarrit në rajonin e Kriva Pallankës, ndërsa nga ora 08:00 është bërë një tjetër ekip prej katër personash me një automjet për terren nga “Osogovo”, degë e “Pyjeve Kombëtare”.
“Vazhdon aktiv zjarri në Prilep, ku digjet bari i thatë dhe pylli i degraduar me kërcell të ulët. Dje, për shkak të përhapjes së shpejtë të zjarrit, janë aktivizuar tre avionë të Drejtorisë për Mbrojtje dhe Shpëtim, të cilët kanë bërë dy fluturime”.
“Në 24 orët e fundit, sipas informacioneve të QMK-së, janë raportuar gjithsej 23 zjarre në hapësirë të hapur, përfshirë zjarrin në rajonin e Kriva Pallankës”, thonë nga QMK.
