Kryeministri dhe kryetari i LSDM-së, Dimitar Kovaçevski u shpreh i kënaqur nga vlerësimi i tij në anektëne IRI-t dhe nuk komentoi vlerësimin e madh të ish-kryeministrit Nikolla Gruevski.
“Për sa i përket vlerësimeve personale, sigurisht që ka një ndikim. Nuk do të komentoj vlerësimin personal të asnjë politikani. Mund të komentoj timen, dhe do të thoja se qytetarët tanë dinë të dallojnë kur dikush investon gjithë mundin, dhe energjinë kur në kohë krize më të mëdha kujdeset për stabilitetin ekonomik, për të siguruar stabilitetin energjetik dhe energjinë termike”, u shpreh Kovaçevski.
Në anketën e IRI-it, besimi në gjyqësi është 4 për qind dhe ka rënie prej 4 për qind në vitin e kaluar, por Kovaçevski nuk komenton për shkak se nuk ka ndërlidhje.
“Sa i përket gjyqësisë, kjo çështje u takon organeve gjyqësore. Ne kemi pushtet gjyqësor të pavarur”, shtoi ai.
