Qendra Rajonale për Çështje Kufitare – Perëndim sivjet është përballur me sfida të mëdha të nxitura nga pandemia me Kovid-19. Përkundër këtij fakti, si rezultat i gatishmërisë së mirë, masave dhe aktiviteteve të ndërmarra, shënon rezultate të rëndësishme që i konfirmojnë të arriturat në vitin aktual, kur janë lëshuar 1.572 deklarata dhe urdhra për vetizolim, janë sekuestruar 273 kilogramë marihuanë dhe të tjera, deklaroi zëdhënësja Merlina P. Islami.
“Gjatë kontrollit të udhëtarëve, sipas rekomandimeve të Qeverisë janë lëshuar gjithsej 1.572 deklarata dhe urdhra për persona për vetizolim, ndërsa janë zbuluar 24 kryerës të cilët kanë dorëzuar 20 teste të falsifikuara PCR, katër certifikata të falsifikuara për vaksinim. Gjatë kryerjes së detyrave vëmendje e veçantë është përkushtuar në zbulimin dhe parandalimin e krimit ndërkufitar dhe migrimit. Janë sekuestruar 273 kilogramë marihuanë si dhe një sasi e madhe të mallrave akcizë dhe mallra të tjera të ndryshme, që ka qenë objekt të tregtisë ilegale”, theksoi zëdhënësja Merlina P. Islami.
Përkujtoi se në këtë pjesë të vendit janë zbuluar dhe parandaluar një numër i madh i emigrantëve nga Azia, Afrika dhe fqinjësia.
“Në pjesën e migrimit gjatë kalimit ilegal janë zbuluar dhe parandaluar 128 persona, numri më i madh janë shtetas shqiptarë, derisa 26 persona janë emigrantë nga India, Siria, Pakistani dhe Maroku. Për të gjithë aktivitetet e evidentuara të paligjshme, Qendra Rajonale për Çështje Kufitare – Perëndim ka ndërmarrë masa ligjore përkatëse!”, shton Islami.
