I hedh acid në fytyrë ish-bashkëshortes si hakmarrje, arrestohet një 58-vjeçar në Peshkopi.
Burime zyrtare nga policia e Dibrës kanë bërë të ditur se është vënë në pranga 58-vjeçarin Agim Kasneci.
Për shkak të acidit, gruaja ka pësuar dëmtime.
Njoftimi i Policisë së Dibrës:
I hodhi lëndë djegëse (acid) në fytyrë ish-bashkëshortes, vihet në pranga 58-vjeçari.
Nga Specialistët për Hetimin e Krimit në Komisariatin e Policisë Dibër u bë arrestimi në flagrancë i shtetasit A. K., 58 vjeç, banues në Peshkopi, pasi i ka hedhur lëndë djegëse (acid), në fytyrë duke i shkaktuar dëmtime ish bashkëshortes së tij.
