Një traktor me cisternë për ujë si mekanizëm është baza në të cilën komunat rurale mund të mbështeten në menaxhimin në kohë me zjarret dhe parandalimin e stihive më të mëdha të zjarreve, thotë komandanti i njësisë së zjarrfikësve në Tetovë, Uka Aliti, duke e analizuar përvojën e përditshme të kësaj verë me shuarjen e fushave të djegura, pyjeve, deponive, hapësirave të hapura dhe objekteve.
“Ndërhyrja e shpejtë e çdo zjarri është gjëja kryesore për likuidimin e tij. Ne kemi thënë shumë herë dhe përsëri apelojmë komunat rurale të gjejnë një mënyrë për të pasur një lloj njësie të ndërhyrjes së shpejtë derisa të arrijë një automjet zjarrfikës nga Njësia Territoriale e Zjarrfikësve në Tetovë. Këtë verë kishim një shembull të tillë në Komunën e Bërvenicës, ndërsa dje edhe në Komunën Zhelinë ku në shuarjen e zjarrit në Leshnicë të epërme erdhi një traktor me cisternë uji. Pikërisht një automjet i tillë është një mundësi themelore për një reagim fillestar”, theksoi zjarrfikësi i Tetovës, deklaroi Aliti.
Dje zjarrfikësit e Tetovës shuan zjarr në afërsi të Përshovcës në rrugën për në Jegunovce, një vend rreth 15 kilometra larg, por ka fshatra deri te të cilat është e nevojshme edhe një orë për të arritur.
Sot në mëngjes, zjarrfikësit ndërhynë në një automjet të djegur në bulevardin “Video Smilevski-Bato”.
