Në maj të këtij viti janë lëshuar 300 leje ndërtimi, që është 86,3 për qind më shumë se në maj të vitit të kaluar, publikoi sot Enti Shtetëror për Statistikë.
Vlera e parashikuar e objekteve është 3,492,299,000 denarë, që është 124 për qind më shumë krahasuar me majin e vitit 2020.
Nga numri i përgjithshëm i lejeve të ndërtimit të lëshuara, 164 (54,7 për qind) janë të destinuara për ndërtime të larta, 27 (9,0 për qind) janë për ndërtime të ulëta dhe 109 (36,3 për qind) janë për rindërtime. Në 145 objekte (48,3 për qind) investitorët janë persona fizikë, ndërsa te 155 (51.7 për qind) investitorët janë subjekte afariste.
Sa i përket rajoneve, shumica e lejeve, 85, janë lëshuar në rajonin e Shkupit, pasuar nga Vardari me 65, Pollogu me 40, ndërsa më pak në Verilindje, ku janë lëshuar tetë.
Në periudhën referuese është planifikuar ndërtim i 615 banesave me sipërfaqe totale të dobishme prej 49,094 metra katrorë. Shumica e banesave të planifikuara janë në Shkup, ku do të ndërtohen 406 banesa. Bëhet fjalë për 163 banesa në Komunën e Gazi Babës, 64 në Kisela Vodë, 60 në Saraj, 47 në Karposh, 44 në Qendër.
