Ministrja e Kulturës në Qeverinë e Maqedonisë Irena Stefoska, njofton se do të propozojë në qeveri që komunave të Ohrit dhe Strugës t’u merren kompetencat në lidhje me mbrojtjen e trashëgimisë kulturore dhe natyrore në UNESCO.
Stefoska në Facebook shkruan se “është e qartë që Komuna e Ohrit dhe Strugës nuk kanë vullnet për mbrojtje të trashëgimisë kulturore dhe natyrore në UNESCO”.
“Prandaj, unë do të filloj para Qeverisë të shqyrtoj mundësinë e heqjes së kompetencave të këtyre komunave. Në fushën e kompetencave të Ministrisë së Kulturës, Instituti për Mbrojtje dhe Muzeu i Ohrit, si dhe Zyra për Mbrojtjen e Trashëgimisë Kulturore do të thirren për llogari”, shkruan Stefoska.
Ndryshe, viteve të fundit UNESCO vazhdimisht ka shprehur vërejtje në lidhje me dëmtimin e pjesëve të mbrojtura nga UNESCO në Ohër dhe Strugë.
