Instituti për Shëndet Publik në 24 orët e fundit ka regjistruar 496 pacientë të shëruar nga coronavirusi, të cilët kanë qenë të shtruar në spitale ose trajtim shtëpiak.
Me këto raste, numri i përgjithshëm i personave që e kanë fituar betejën me COVID-19 shkon në 61.943.
Numri më i madh i pacientëve të shëruar sot, janë nga Shkupi (233), Kumanova (28), Ohri (68), Tetova (17), Gostivari (17) dhe qytete tjera.
Ndërsa nga ana tjetër, sot janë regjistruar edhe shtatë viktima, kurse numri i përgjithshëm i vdekjeve që nga fillimi i pandemisë është 2.510.
Ndryshe, numri zyrtar i të infektuarve është 83.743, ndërsa deri sot (1 janar) janë 19.290 raste aktive.
