Sot pritet që në Prokurorinë Speciale Publike (PSP) të paraqitet kryetari i komunës Qendër të Bashkisë së Shkupit, Andrej Zhernovski, transmeton Telegrafi Maqedoni.
Ai do të dëshmojë për trysnitë ndaj tij dhe për demolimin e strehave të komunës. Zhernovski është i pari nga personat që do të merret në pyetje nga PSP-ja pas një periudhe ”qetësie” në këtë prokurori.
Ndryshe, dje prokurorja speciale Katica Janeva paralajmëroi një rritje të punëve të PSP-së, përmes thirrjes së personave të ndryshëm për të dhënë dëshmitë e tyre për lëndët e hapura gjyqësore të PSP-së.
Për shkak të fshehtësisë së procedurave parahetimore, Janeva nuk bëri publike emrat që pritet të thirren, e as detaje shtesë për raste konkrete.
