Gazeta zvicerane blick.ch ka ndjekur aktivitetin e kombëtares shqiptare gjatë stërvitjeve dhe largimit të saj drejt stadionit italian në Bergame ku do zhvillohet ndeshja me Ukrainën.
Gianni de Biassi thekson se situata është shumë e qetë, ndërsa më pas vërehet disponimi i Amir Abrashit për të dhënë një intervistë të shkurtër, përcjell botasot.info.
“Nuk bëhet fjalë vetëm për relaks të kombëtares, por edhe për koncetrim,” tha Abrashi. Duke qenë në stërvitje nuk ka pasur mundësi të shikojë ndeshjen mes Belgjikës dhe Zvicrës, por thekson se “Shqipëria kërkon startin më të mirë në KE 2016 dhe nga ndeshja e parë me Zvicrën kërkon të marrë edhe pikët e para historike.”
Sonte kombëtarja shqiptare do ndeshet me Ukrainën, që i shënoi Rumanisë katër gola, përkundër që kjo e fundit ka mbrojtjen më të mirë./Bota sot
