Reçipetat janë konsideruar si një nga veshjet më të rehatshme dhe sensuale nga femrat, por me përdorimin e përditshëm të tyre fillojnë të kuptohen edhe problemet dhe sikletet që ato shkaktojnë. Për të kuptuar këtë siklet ne po ju parashtrojmë poshtë listën e plotë me 6 problemet që ju shkaktohen.
-Madhësia e drejtë: kjo mund të duket e çuditshme, por duhet të zgjidhni reçipeta me të njëjtën madhësi. Disa modele në fakt mund të përshtaten përkryer në lidhje me kupat, por nëse janë më të gjera se perimetri, ose anasjelltas, kjo nuk është ide e mirë. Ndonjëherë kupa e mbushur shumë ose pak, mund të shkaktojë problem.
-Përzgjedhja: kur ju blini reçipeta për një rast të rëndësishëm, ju duhet të merrni në konsideratë edhe veshjen që do të përdorni. Nëse pëlhura e tyre përbehet nga dantella dekorative kjo mund të dëmtojë veshjen tuaj.
-Ngjyra: Nuk mund të ngeleni vetëm te e zeza klasike, e bardha apo ajo ngjyrë mishi. Megjithatë përzgjedhja e ngjyrave duhet të jetë e kujdesshme.
-Në shtëpi rrini lirshëm: Shpesh herë mendoni se nuk rrini dot pa i veshur ato, por rekomandohet se gjatë qëndrimit në shtëpi do të ishte më mirë t’i hiqnit ato për të qëndruar lirshëm. Kjo është një mënyrë e mirë për shëndetin tuaj.
-Përshtatshmëria: Reçipetat shpesh herë bëhen mik-armik të gruas me gjinjtë. Ato shërbejnë për të mbështetur gjoksin më mirë, por nganjëherë kjo mund të jetë me të vërtetë e bezdisshme, saqë në disa raste mund të shkaktojnë edhe dhimbje të lehta.
-Etiketa: Ndonjëherë ato mund të jenë edhe më të sikletshme se vetë veshja që kemi veshur. Etiketa e tyre mund të krijojnë vërtet një bezdisje të mërzitshme, sidomos në rastet kur kjo është veçanërisht e gjatë. Më mirë këshillohet ta prisni atë duke u kujdesur që të mos tensionoheni më pas.
