Grida Duma është emri i Partisë Demokratike që do të përpiqet të thyeje Vangjush Dakon në Durrës. Ajo është bërë e njohur për publikun kryesisht pas marrjes së postit të zv.ministressë Integrimit, por karriera e saj në ngjitje nuk fillon aty.
Opozita.com ka përgatitur një jetëshkrim të shkurtër të GridaDumës duke përfshirë jetën familjare por edhe karrierën e saj.
Asaj i pëlqen të prezantohet në publik me mbiemrin e saj, por në të vërtetë, mbiemri me të cilin është regjistruar në Gjendje Civile është ai i bashkëshortit të saj, Shqina. Grida është emartuar me me z.Ilir Shqina. Nuk njihet mediatikisht si bashkëshortja e tij. Emri i tij qarkullon më shumë në rrethet diplomatike.
Ai ka punuar në Ministrinë e Integrimit, ashtu sikurse edhe Grida. Ka qenë këshilltari i kësaj ministrie, e cila drejtohej nga Majlinda Bregu. Iliri dhe Grida kanë 18 vjet martuar dhe fryti i dashurisë së tyre është Darieni.
Grida ishte vetëm 20 vjeç kur është martuar me profesorin e saj.
Është motra e madhe e një familjeje me tre vajza, e cila tashmë jeton në Shtetet e Bashkuara të Amerikës. Vetëm Grida jeton në Shqipëri.
Duma është e datëlindjes 1977, ka lindur në Durrës ku ka kryer edhe shkollën e mesme.
Përfundoi studimet në Fakultetin e Shkencave Sociale, Departamenti i Filozofisë dhe Sociologjisë, duke u diplomuar në Sociologji.
Në periudhën 1997 – 1998 ka punuar si koordinatore projekti pranë Këshillit Rinor Shqipta. Kurse përgjatë viteve 1999-2009 u angazhua në një biznes privat si Drejtore Ekzekutive.
Në vitin 2004 kreu studimet Master në Administrim Biznesi në Universitetin e Tiranës në bashkëpunim me Universitetin “Abraham Linkoln” në Nebraska, SHBA.
Ajo mori titullin Doktor i Shkencave Ekonomike në vitin 2006. Gjatë kesaj periudhe, deri në vitin 2011 ka qenë lektore në disa universitete private si edhe në departamentin e Sociologjisë në Universitetin e Tiranës.
Ka qenë Eksperte Udhëheqëse dhe Konsulente e një serë projektesh në fushën e arsimit të organizatave dhe fondacioneve që veprojnë në Shqipëri si OSBE dhe Fondacioni Soros. Nga tetori 2011 deri në shtator 2013 kreu funksionin e zv.Ministres së Integrimit.
