Ministria e Jashtme amerikane është zhytur sot në errësirë, pas një ndërprerjeje të pazakontë të energjisë elektrike.
”Një ndërprerje e energjisë ka ndodhur rreth orës lokale 09:00 dhe nuk është rikthyer deri në mesditë”, njofti një nga zyrtarët e Departamentit amerikan të Shtetit, i cili shtoi se disa linja telefoni dhe lidhjet në internet funksiononin.
Ndërtesa gjigante në jug të Uashingtonit ishte zhytur në errësirë, por punonjësit mund të shkonin dhe të vinin lirshëm, ndërsa nuk u mor asnjë masë sigurie e veçantë brenda dhe rreth Departamentit të Shtetit. Ndërprerja e energjisë është shumë e rrallë në ministri.
