Shumë femra mendojnë se duken shumë më bukur se ç'janë kur përdorin make up. Në fakt, kjo është pjesërisht e vërtetë, por mos harroni se edhe në gjendjen tuaj natyrale, pa përdorur kurrëfarë zbukuruesi, ju mund të dukeni më së miri. Mjafton të ndiqni këshillat e mëposhtme.
Lani fytyrën çdo mëngjes dhe çdo darkë- Mund t’ju duket e çuditshme por një veprim i tillë ndihmon aknet të largohen nga fytyra dhe heq yndyrën e tepërt të lëkurës.
Përdorni një pastrues fytyre të butë – Nëse pastruesi juaj është tepër i fortë dhe me doza të larta alkooli, mund të thajë ose të dëmtojë lëkurën.
Përdorni hidratuesin e duhur- Duhet të përshtatni një hidratues me llojin e lëkurës suaj dhe për këtë ju ndihmojnë shumë mirë estetistet.
Përdorni vazelinë pas maskave – Nëse bëni një maskë për fytyrën tuaj, përdorni gjithmonë vazelinë pas saj, pasi ndihmon që fytyra të qëndrojë e freskët.
Përdorni vaj kokosi pas dushit – Mund ta përdorni edhe për të hequr tualetin këtë lloj vaji, i cili ndihmon në ushqyerjen e lëkurës.
Mos i përpëlisni shumë qepallat- Natyrisht, ju nuk mund të mbani nën kontroll sa herë përpëliten qepallat, por normalisht mund të kujdeseni të mos i hapni e mbyllni sytë shumë, pasi në këtë mënyrë ato bien dhe dobësohen.
Ushqehuni shëndetshëm- Mundohuni të hani ato ushqime të cilat janë të mira për lëkurën tuaj.
