Prej vitesh është spekuluar me këtë fakt.
Entuziastët mendojnë se në liqenin Loch Ness në Skoci jeton një monstër, e cila është fotografuar disa herë, por asnjëherë nuk ka pasur prova përfundimtare për ekzistencën e tij.
Tani të apasionuarit pas kërkimit për monstrën e Loch Ness thonë se kanë gjetur prova të forta.
Sipas tyre, krijesa është fotografuar nga një satelit.
Ekspertët i kanë studiuar pamjet për gjashtë muaj dhe janë të bindur se në imazhe shfaqet bisha.
Bëhet fjalë për disa foto satelitore të hartave të Apple.
Legjenda e monstrës së Loch Ness ka nisur që në shekullin e gjashtë, kur një murg pati deklaruar se vendasit po varrosnin një njeri, të sulmuar nga një bishë e ujit.
Një foto e vitit 1934 thuhet se dokumenton ekzistencën e tij.